ANG LIHAM

ANG  LIHAM

Magandang araw po!

Ito po ay reply ko para sa article nyo na : http://www.estrella-eve.com/2011/11/may-alam-ba-kayong-lumang-lumang-awitin.html

Pamilyar po ako sa kanta na tinutukoy nyo dito sa blog na ito; “Isang gabing tahimik, maliwanag ang buwan...” Lagi po itong kinakanta ng Loling (lolo) ko sa aming magpipinsan at magkakapatid. Ito po ay kinanta niya hindi lamang sa kanyang mga anak at sa aming mga apo niya, kundi pati na din sa mga inabot niyang mga apo na sa tuhod. Para po sa amin ito po ay isang dakilang kantang pamana. "Kanta ni loling" kung aming ituring. 

Ang buong akala ko po, ay kami lang ang tanging nakaka-alam ng kantang ito. Masaya po ako at nalaman ko ngayon na may iba pang nakaka-alam at naghahanap din sa kanta na ito. 

Hindi na po namin nalinaw sa aming loling ang buong detalye ng kantang ito. 

Kung sino po ang orihinal na sumulat (ang paniniwala po namin nung kami ay mga bata pa, at hanggang ngayon ay si loling talaga ang nag-compose nito.  ). 

Gusto ko lang po sanang humingi ng tulong at magtanong sa kung gaano po ba ang inyong nalalaman o natatandaan tungkol sa kanta na ito. 

Ano man pong impormasyon o dagdag kaalaman tungkol sa kanta na ito ay labis naming ikalulugod na malaman at marinig. 

(piano rendition sa facebook)

Eto po ang sariling gawa na version ng pinsan ko ng kantang ito.

Nawa ay makatanggap po ako ng reply sa inyo. 

Maraming Salamat po!