MALIGAYA, MANIGO, MAPAYAPANG BAGONG TAON SA INYONG LAHAT
Sa taong ito, baguhin natin ang dapat baguhin...
Lagyan ng tuldok ang mga kabanata ng buhay
na dapat wakasan...
Ituloy ang mga pangyayaring nasa balag ng alanganin...
Bigyan ng kalutasan ang mga alinlangan...
Nang sa gayon, tunay na maging masaya tayo
at lapitan ng mabuting kapalaran.
Narito ang isang kuwento tungkol sa pagtutuldok o pagpapatuloy ng kabanata ng isang buhay. Sana, may mabili pa kayo sa National Bookstore.
Isa ako sa mga naging mapalad na magkaroon ng kasama sa bahay na masipag, may malasakit at mapagkakatiwalaan.
Naikuwento ko na rin sa Liwayway ang buhay nito, si Manang na may dalawang daigdig na ginagalawan. Ang kuwento ko naman ngayon ay tungkol sa kanyang kaibigan na si Bebi. Ang mga katauhan sa kuwento ay halos hango sa kanila, bagaman at ang mga pangyayaring isinasalaysay ay kathang-isip lamang. Nais ko lamang itampok ang kanilang mga katangian. Mabuhay sila!
Baka may abutan pa kayong sipi ng Liwayway diyan sa may tindahan ng diyaryo. Bili na. Paminsan-minsan, sisilip kayo sa kung ano ang nilalaman ng magasin, baka swertihin kayong may kuwento ako. Matagal pa kasi bago ko mailagay ang mga ito dito sa aking blog.
No comments:
Post a Comment