Facebook Gems

FACEBOOK GEMS---1

Wala akong facebook dahil may blog na ako na halos hindi ko na nga maasikaso na entradahan ng mga dating kuwento, ay abala pa rin ngayon na magsulat ng mga bago, dahil naimbitang mag-contribute ulit.

Ngunit nakikibasa ako sa facebook ng may facebook (aking anak na hindi rin ito naasikaso dahil bukod sa mga chores daw niya sa bahay, hino-homeschool pa ang mga anak at volunteer pa sa kung saan-saan). 

At marami akong nababasa doon, mga trivia, mga tula, kwento ng buhay, mga nag-birthday, nag-celebrate ng kung anu-ano, reunion, balita sa mga malalayong kamag-anak at matagal nang hindi nakikitang kaibigan, pulitika tulad ng paglalaho ng inaasam na increase sa pensiyon, showbiz at aldub, kung sila na nga talaga, pagandahan ng mga profile pictures, pagalingan ng mga anak, cute na mga apo, mga kinain at pinuntahang restoran, sarap!, mga pinasyalang beach, resort, siyudad, pinanood na mga sine o theatre, Broadway o London o Solair (heheh, hanggang dine lang kami sa Marikina pag Lunes at Martes, second week ng pelikula, first screening for seniors), pinakinggang banda o singer in town... ay, ang daming makikita sa facebook. At mapupulot.

Narito ang isa, mula raw kay Shakespeare -

I always feel happy, You know why?
Because I don't expect anything from anyone.
Expectations always hurt...
Life is short, so love your life.
Be happy and keep smiling
Just live for yourself.
And...
Before you speak, Listen
Before you write, Think
Before you spend, Earn
Before you pray, Forgive
Before you hurt, Feel
Before you hate, Love
Before you quit, Try
Before you die, Live. 

 Maganda, di ba? Kaya, okey din talaga ang facebook.