Are you Right Brained or Left Brained

Kanan o Kaliwa?

Mayo 6 pa ang huli kong entrada tungkol sa ikinukwento kong seminar na dinaluhan maraming taon na ang nakalilipas. Na marami akong natutuhan na nais ko namang ibahagi sa mga kaibigang baka mainteresado rito.

Ang una kong tinalakay nang sinundang buwan ng Abril ay ang paliwanag ng lecturer tungkol sa epekto ng iniisip ng isang tao sa kanyang kalusugan. The  power of the mind in healing oneself. Sabi nga positive in, positive out. Kung saan ko natutuhan at hanggang ngayon ay ginagamit ang tinatawag naming headache control. Ibig lang sabihin, bago pa maging full blown iyong sakit ng ulo, ginagamot ko na sa pamamagitan ng pagre-relaks.

Noong Mayo 6 ko isinulat kung paano magrelaks. Susundan ko sana iyon ng posting ng Hunyo kung saan ko natutuhan sa lecture ang  paliwanag tungkol sa brain ng tao. At kung ano koneksiyon nito sa healing o sa anupamang bagay na nangyayari o gustong mangyari. Na hindi ko nagawa dahil naging lubhang abala sa iba pang bagay.

Napag-aralan naman natin ang tungkol sa general anatomy noong high school. Sa Biology. Ang brain ay nahahati sa left and right hemisphere, o left and right side. Kung mayroon kayong computer at igu-google ninyo, makaka kita pa kayo ng picture nito. Ang itinuro sa atin noon ay ang function nito. Dagdag-kaalaman ang natutuhan ko sa lecture.

Na ang left hemisphere, kumbaga, ay ang production manager ng mga activities natin sa araw-araw kung saan ginagamit ang lahat ng ating senses- seeing, hearing, touching, tasting, smelling at iba pang mga  activities na ginagamitan ng  conscious na pag-iisip, physical, logical at technical. Pinag-iisipan kumbaga.Tanong namin, e, ano ba iyong hindi ginagamitan ng isip? Next time ko iyan discuss. Ito muna.

Ang  right hemisphere, umano, ayon sa mga pag-aaral, ay ang bahagi ng brain kung saan nagmumula ang creativity o pagka-malikhain ng isang tao, intuition o iyong tinatawag nating kutob o pakiramdam na oy, husband material ito. At instinct. Iyon bang kapag may bago kang kakilala, e, parang di mo pagtitiwalaan. Gut feel baga. Kung external o sa labas ang focus ng left brain, internal ang sa right.

Sa seminar ay ulit-ulit na tinalakay ang tungkol sa dalawang hemisphere na ito na siyang magiging batayan ng pamamaraan ng paggamit ng power of the mind sa self-healing.

See you next time... here...