Alay sa mga Nagdiriwang ng kanilang Anibersaryo

Sabi ng Babae -

Di mo na hinahawakan

Kamay kong kulubot

Di mo na hinihimas

Maputi kong buhok

Pagdating ng gabi

Agad nang inaantok

Ang dating lambingan

Nalimutan nang lubos.

Sabi ng Lalaki -

Di mo na niluluto 

Ulam na paborito

Di na pinakikinggan

Ang aking mga kuwento

Teleserye sa tv

Higit mo pang gusto

Ano ang nangyari't

Tayo'y nagkaganito?

Sabi ng Konsensiya -

Kayo ay tumanda

E, ano ngayon?

Mga número lamang

Ang dagdag na taon

Dinadalang sakit

Mataas na presyon

Huwag gawing sagabal

Sa buhay na layon.

Lalaki, kamay ng asawa ay iyong hawakan

Ito'y nangulubot pagluluto ng 'yong ulam.

Babae, ikaw naman... kuwento niya ay pakinggan

Good listener ka noong kanyang pakasalan.

Pagbalikan ninyo araw na nagdaan

Waring nasa langit na, magkatinginan lamang

Kahit na patago ang paghahawak ng kamay

Lumulutang sa ligaya, inyong pakiramdam.

MALIGAYANG BATI SA LAHAT NG NAGDIRIWANG

NG KANILANG ANIBERSARYO NG KASAL!!! 

KAINAN NA!!! (flashback lang po)