Bakit Nga Ba?
Ang ulang tikatik,
Bakit bihira na,
napupuna mo ba?
Ang mumunting patak, nagbabadyang
ambon,
Kasunod na’y buhos kapara ay unos,
Di pa nabubuksan ang payong na tiklop,
basa na ang tuktok.
Bakit nga ba?
Katulad ng mangga,
Na dati’y Mayo lang kung ating
anihin,
Kasabay ng suman kung ating kainin,
Bungang manibalang sinusungkit-sungkit
ng mga pilyong binatilyo
Pang-alay sa dalagitang gusto,
Tingnan ngayo’t hambalang nang
nakatinda
sa
palengke at mga bangketa,
mula Enero hanggang Disyembre.
Mga manggang iba ang lasa.
Bakit nga ba?
Napapansin mo ba,
Ngayon ang babai
Di na mahiyaing katulad nang dati.
Ang pinakatatagong ni ayaw ‘pasilip
na mayamang dibdib;
Noon, sa pagyuku-yuko, para di
makita,
tutop ng palad, leeg ng bestida
Pero ngayo’y lantaran nang
ibinibilad,
Parang sa talipapa na isdang nakabutadtad,
Na ayaw nang iuwi, gusto nang
mabili,
kahit na palugi.
Bakit nga ba?
Ang mga mag-asawa,
Ngayon ay iba na.
Hiwalay na agad, munting
pagkabisala
Wala nang martir na babai,
Wala nang matinong lalaki,
Wala nang querida,
Sila’y de-numerong asawa;
Walang ilehitimong anak,
Kundi ilehitimo lamang na ina.
O ama.
Bakit nga ba?
Bakit saan nagkasuut-suot
Niyaring diwang nayayamot
Dahil lang sa nabasang tuktok
Di mabuksang payong, nakatiklop,
Mumunting patak ng ulan
Ngayon ay ibinubuhos,
Buhay ko’y inuunos...
Nasaan na ang ulang tikatik?
Napupuna mo ba, ang lintik
Sa kulog ay laging una.
Bakit nga ba?
Hi Eve:
ReplyDeleteIyan ang na miss ko for so long a time, ang tulakis.
I aabangan ko ang bago mong kwento.
Nararamdaman ko , busy ka na naman dahil walang tawag, walang email.
Okay Lang dahil sabi mo nga duon tayo sa Sabitan, kwentuhan, kailan,
tawanan.
Was off for a while, nagka attack ako ng gout, sa paa, sobrang sakit. In and out ako
sa doctor's clinic pero ok na 'ko ngayon, thank God.
Bakit nga Ba? Bakit Hindi?😀😃