I
Ilan Pang Komentaryo sa Time Machine.
May
nag-email sa akin, isang kaibigang nasa abroad na nakabasa ng kwentong
kalalathala sa Liwayway, ang "Time Machine sa SMS". Isang kaiskwela raw
niya ang nakabasa rin nito at ngayon ay iniimbitahan siyang sumakay sa
time machine. Ang tawa raw niya! Uyyy!
Na sinundan pa ng isang tinanggap
niyang balita na isa pang kaiskwela ang nagrereklamo naman na bakit
chocolate lang ang pasalubong sa kanya at walang pistachio at walnuts. Tuloy ipinakisabi niyang wala naman talaga siyang pasalubong na pistachio at walnuts. May nagbibigay sa kanya nito noon, a long time ago. Another time machine?
Kasunod pa nito ay isa pa ring kaibigan ang tinawag siyang "Irene" sa
Facebook. Irene ang pangalan ng bida sa kuwento. Ano ba 'yan, ang tangi
niyang nasabi na sinundan ng sabing "Eve, magsulat ka pa. Marami kang
pinaliligayang tao!"
Ay, salamat naman at nakapagpapaligaya ako...